Pabili po! Pabili po! Anong baon mo?

Pilit kong inalala sa abot ng aking makakaya ang mga nilalaman ng blog post na ito. Sobrang saya ko lang dahil sa nostalgia na hatid sa akin ng paglilista ng mga pagkain na binibili ko sa tindahan ng kapitbahay namin at yung mga nilalagay ng nanay ko sa lunch box ko nung bata pa ako. Sa totoo lang napakarami pa at malamang may kanya-kanya rin kayong mga paborito noon kaya kung sakaling hindi niyo man nakita rito ang mga yun, feel free to comment your own list below! 1992 na kasi ako pinanganak so medyo hindi ganun ka-vintage ang listahan ko. Anyway, sabay-sabay nating sariwain ang masasarap na alaala ng ating kabataan!

Pabili po! Pabili po! 

Mabigyan lang ako ng kaunting barya na tigpipiso susugod na kaagad ako sa tindahan para mamili ng kung anu-ano. Nakahiligan mo rin kaya ang mga ito?

Haw Haw

Ito yung tinutunaw mo pa sa bibig mo hanggang sa lumiit na siya.

Mik-Mik

I just realized mukha pala siyang drug paraphernalia ano? Yung straw akala mo tooter eh. Haha! 

Sino bang hindi naubo sa paghigop nito diba?

Choyo Choyo

Sino bang makakalimot dito na parang nasa lalagyan ng jelly ace tapos may maliit na kutsara?

Stay Fresh

Hindi ko ba malaman kung bakit pinapapak natin 'tong mga bilog na'to noon. 

Hindi ko sigurado kung masasarapan parin ako ngayon na laklakin yan lahat. Haha!

Yakee

Binili mo yan, sinubo mo yan, panindigan mo yan. Haha!

Ewan ko ba kung bakit gustung-gusto kong mangasim ang mukha ko.

Pintoora

Syempre, ang kapatid ni Yakee, na tuwang-tuwa ako sa tuwing kukulay sa dila ko.

Bazooka

Yung hindi pwedeng hindi ko babasahin yung komiks na kasama.

Judge

Naranasan kong nguyain 'to ng sobrang tagal hanggang sa parang naging powdery na siya sa bibig ko.

Wrigley's Chewing Gum

Mapa-Juicy Fruit man yan o Doublemint halos lahat yata ng bata noon may ganyan sa mga bag nila. 

Sa sobrang hilig nga natin may laruan nyan na panggulat sa mga kaklase.

Chocolate Gold Coin

Siguro tayong mga bata noon trip lang din natin ang makikinang na bagay 

tapos lolokohin natin sarili natin na barya siya sabay kakainin din maya-maya.

Flat Tops

Mula noon hanggang ngayon.

Curly Tops

Ang kapatid ni Flat Tops.

ChocNut

Ang kinalilito natin sa Hany noon.

Tootsie Roll

Para sa masakit na ngipin at pagod na panga.

Egg Chocolate

Hindi ko talaga alam kung anong tawag sa kanya pero I used to call it Dinosaur Egg.

LALA

Ang saklap ng childhood mo kung hindi mo natikman 'to.

Potchi

Yes, and it's still actively around getting kids addicted today.

Ovalteenies

Nung mga panahon na patas pa ang Milo at Ovaltine.

NIPS

Minsan pwede rin siyang Not In Proper Seat.

Shet, naalala ko tuloy yung kapag pipili si titser ng magsusulat ng Noisy, Standing, NIPS, at Whispering sa blackboard. 

Kapag nasulat pangalan mo parang katapusan na ng mundo mo, yung iba nakikipag-aaway pa, "Hindi naman ako nagsalita ah!" 

Tapos kapag nabura na pangalan mo it's such a relief.

White Rabbit

Jowa ni Tootsie Roll.

Lipps

Kung saan nagsimula ang kaartehan naming mga babae.

Fruittella

Imposibleng nakuntento ako rito na isa lang ang kinain ko.

Frutos

Same as above.

Sampaloc Candy

Tapos iluluwa ko kahit saan yung mga buto.

Pastillas

Kung hindi ako nagkakamali, Pastillas de Leche to be specific. 

Adik na adik ako rito nung bata ako. Baliw kasi ako sa milky na lasa.

Haw Flakes

Ito yung sa unang tikim parang duda ka pa sa lasa pero uulit-ulitin mo rin.

***

Syempre, papahuli ba naman ang mga chichirya? Kulang nalang pasabugin na natin ang mga bato natin nung mga bata pa tayo. Kahit anong pagsaway sa atin ng mga magulang natin kakain at kakain parin tayo ng chichirya dahil hinahanap-hanap natin ang masarap at nakakaadik na alat ng mga ito. Sakit pa sa ulo ng mga nag-aalaga sa atin ang pagpapa-inom ng tubig pagkatapos. Yung iba rito nag-eexist parin hanggang ngayon. :)

Humpy Dumpy

Wala akong makitang photo nung nakasanayan talaga nating packaging niya. 

Mukhang mas luma 'to pero dedma na. Humpy Dumpy yan eh!

Tomi

Friend ni Humpy Dumpy.

Pritos Ring

Lolo ni Roller Coaster.

Sweet Corn

Una, hindi ko kamay yan. Haha. Itong Sweet Corn na'to, ito yung tipong nalalasahan mo pa yung plastic habang nalalaway-lawayan mo na kasi binubuhos mo sa bibig mo lahat.

Pompoms

Kamag-anak ni Chiz Curls.

Snacku

Oo, berde siya.

Green Peas

Oo, berde rin siya.

Captain Sid

Yung ang tiyaga kong kagat-kagatin yan.

PeeWee

At Pizza talaga ang paborito kong flavor niya.

Cheez-It

Tapos pagkatapos ng lahat naninilaw at nag-oorange narin ang lahat.

Rinbee

Same as above. At hindi mo 'to dadamputin ng isa-isa, dakot talaga.

Ri-Chee

Kulit noh? Milk flavor na chichirya.

Lumpia

Hindi mo 'to natikman? Awww.

Nutri Star

Ito pa yata yung medyo may kapit sa dila eh.

Moby

Mas madalas kong tinutunaw lang sa bibig kesa nguyain.

***

Anong baon mo?

Papahuli ba yung mga meryenda na pinaglalalagay ng nanay ko sa lunch box ko noon? Alalahanin mong mabuti baka naging baon mo rin sa school itong mga ito.

Pretzels

Na minsan yung ibang bata ginagawang lollipop kaya dumudungis sila.

Stik-O

Syempre hindi pinapabaon sa akin ng buo yan. 

Nilalagay pa ng nanay ko sa plastic, siguro mga limang piraso lang.

Champola

Tawag ko pa nga noon sa Stik-O eh Champola rin.

Choco Mallows

Mga isa o dalawang piraso nito ang pinapabaon sa akin.

Pasencia

Kailangan ko ng marami nito ngayong adult na ako.

Milky Marie

Isa sa mga pinaka-malinamnam na biskwit na nakain ko.

Rebisco Sandwich

Paborito ko Chocolate at Strawberry.

Knick Knacks

Malagkit nga lang kainin. Pampadungis din 'to ng bata eh.

Sunflower Crackers

Katuwa yung mga asukal sa tuktok eh.

Yan Yan

Yung sineseryoso mo pa talaga kung gaano karami ang kukunin mo sa sawsawan niya 

para hanggang sa mga huling sticks meron paring matitira.

Iced Gem Biscuits

Yung pinaghihiwalay mo pa talaga yung biskwit at yung matamis niyang gem sa tuktok.

Kadalasan pinipili mo pa kung aling kulay ang uunahin mo.

***

Kung pinalad kang may kaunti kang naitabing barya mula sa karampot mong baon o kaya naka-score ka lang ng coins sa nanay mo, syempre ang daming binebentang kung anu-ano sa may labas ng school. I just realized bata palang yata talaga ako grabe na ako gumastos sa pagkain. Haha! Pinagbibibili mo rin ba ang mga ito tuwing uwian?

Cotton Candy

Tapos sobrang aliw pa panoorin kung pano siya gawin.

Dirty Ice Cream

Napaka-sarap naman din kasi talaga nito. Interesting din ang history nito kung bakit ba talaga siya tinawag na Dirty Ice Cream. To make the long story short, noon kasi diba wala pa namang refrigerator, so ang mga ice cream makers, nilalagay nila ang ice cream nila sa ilalim ng lupa as refrigeration. Edi tada, Dirty Ice Cream.

Karioka

Ang sarap-sarap din nito, enjoy na enjoy akong nguyain ito noon. Saan na kaya ako makakahanap ulit ng ganito, gusto ko yung malapit sa nakasanayan kong Karioka nung bata ako. May natikman akong similar sa ganito dun sa probinsya namin sa Bicol, tawag naman sa kanya Tinabog-Tabog.

Ice Scramble

Dahil dito sa pink na shake na'to Scramble din ang naging tawag ng maraming bata sa board game na Scrabble. Sa tuwing bibili ako nito sa labas ng school namin noon, talagang excited ako at umaasang dadamihan ni manong ang chocolate syrup at powdered milk.

Ice Candy

Kakagatin mo yung plastic tapos simula na ng pagdudungis.

Kadalasan nakalagay pa ang mga ito sa styro na box, yung cooler ng mga naglalako.

Mangga w/ Bagoong

Ay grabeng adik namin ng mga kaklase ko rito. 

Kahit mga bata kami ayos lang sa amin ang maasim dahil sobrang dami maglagay ng bagoong ni manong 

at napaka-sarap din naman talaga ng gawa niya.

Binatog

Kung hindi mo pa natitikman ang Binatog buong buhay mo, simulan mo nang maghanap nito. Street food din yan kaya posible mo siyang mahanap sa kung saan lang, kadalasan nilalako rin yan ng mga naka-bike na manong. Oh my childhood!

***

Photo credits to the respective owners. All photos are embedded via original URLs.

Ay grabe, kagutom noh? Pasensya na kung sakaling nagutom at sinumpong ka ng cravings dahil napadpad ka rito. Sana na-enjoy mong balikan ang iyong childhood memories kasi nag-enjoy din akong gawin ito kahit medyo ma-trabaho yung ganitong klase ng blog post.

Ikaw, anong pinagbibili mong pagkain sa tindahan at baon na snacks sa school noong bata ka pa?

W